POESIOLE ATTORNO AL NATALE
Maria lavava
Maria lavava
Giuseppi stinniva
u' Bammìnu chiancìa
u' latti vurìa.
"Zittiti Fìgghiu, chi ora ti pìgghiu,
sugnu ju, a to' mammà, chi latti nu n'ha".
Intra "na rutta
Intra 'na rutta n'tempu ri friddùra parturì 'a Maronna,
'a Ran Signùra.
C'era vicinu un bovu accuvacciàtu e un sciccarèddu ri latu sistimàtu.
Gesùzzu beddu, duci e picdrìddu,
'menzu 'a pagghia murìa ru friddu,
ma quannu rapìa 'a so' buccùzza a risu,
Lucia 'a rutta, chi parìa un pararìsu.
Balla, balla
Balla, balla, Bamminèddu,
tuttu u' chiànu è tuttu u' tò,
unni posa u' tò pirùzzu, nasci gigghiu e basilicò.
Sant'Anna e San Jachinu
Sutta un peri ri nucìddi, c'è 'na naca pi' picdrìddi;
c'è Sant'Anna e San Jachinu, chi nacàvanu u' Bamminu.
E ci faciànu i mani manùzza mentri rirìa 'a so' buccùzza.
Avia 'a buccùzza china ri meri Evviva, evviva, evviva San Micheli.
Poesiole tratte da:
Il Siciliano a Caltagirone
Raccolta di proverbi, modi di dire, epiteti, soprannomi, curiosità e tradizioni.
a cura del Sac. Nunzio Annaro